مرة فى يوم مش فاكر إيه
عزمت عقلى و قلبى ع الكافية
و بعد ما عرفتهم على بعض ..
سابونى أنا و مسكوا فى بعض
عقلى يقوله تحب ليه
و قلبى قاعد يضحك عليه
بيقوله أمال عايش ليه ..
و حياتك دى بتعمل بيها إيه
عقلى إتزرزر و عمل منظر
و كان هايلم الخلق عليه
قاله حياتى هى نجاحى ..
فى شغلى و إسمى و مالى يا بيه
قلبى زغرله و قاملوه و قالوه
إنت بجد مصدق نفسك
هى أشغالك على نجاحاتك ..
فى لحظة حب بتساوى إيه
عقلى بكى و جالى إشتكى
إن قلبى بيقسى عليه
و أنا من طيبتى أو من خيبتى ..
مش عارف أعمل فيهم إيه
عقلى بيكبر و قلبى بيضغر
و عاملين خناقة مع بعض
و أنا بتفرج و ساعات أهرج ..
و لا طايل و لا سما و لا أرض
M.O.H.@.L.Y
يونيو 2014
16 comments:
try to compromise.
and how is that?
They are not giving me any space ..
in addition I hate this word .. Compromise ... it is reaching a solution that no one wants from the beginning.
تحفه بجد
اكملهالك :
شكلي في الاخر حسيبهم مع بعض
يتصالحوا بقه او يخلصوا علي بعض،
واكمل انا حياتي بالطول والعرض
looool
لو خلصوا على بعض أنا هاعيش من غيرهم إزاى :(
It's amazing
فكرتني بصورة بحبها قوي صاحبتي دايما تبعتها لي: القلب متعور في كل حتة وحاطط بﻻستر على الجروح وواقف مسنود على عكاز والعقل عمال يشخط فيه ويقول له وبعدين؟ اعقل بقى وارحمني.
يوما ما هايصتلحوا ويتفقوا لما تبقى السكة اللي انت ماشي فيها صح.
طول ما هم بيتخانقوا اعرف ان دي عﻻمة ان السكة دي غلط :-)
الخناقات دي عادية جدااااااااااا. :-) :-) :-)
يا دكتور القافيه حكمت !! وبعدين العلم اتقدم وبقه فيه قطع غيار
سيظل هذا الصراع ... فالحلول الوسط لا ترضى من استمع الى قلبه و ارتضى عقله كوسيله للحكم .... انصحك ونفسى بالهيام .... الهيام فى الكون وذراته .. لعله يشفى النفس العليله
هيام أكتر كن كده... انا قربت اوصل زحل
الغلطة من البداية اننا بنعرفهم على بعض اصلا....لو كل واحد منهم ركز في شغله بس وما تدخلش في أمور التاني مش هنشوف الصراع ده :-) ... بس لازم يفهموا من البداية أن كل واحد منهم لازم يتحمل نتيجة قراراته وتصرفاته.
ما ينفعش كنت أسيبهم كل واحد لوحدة أكتر من كده ... أنا بقى عندى إنفصام فى الشخصية
زحل جميل .... شكله حتى عاطفى :)
كل سنة وانتم طيبين يا أهل البلوج الكرام .. رمضان كريم :)
جميله جدا
Thank You.
Post a Comment